قصيده في بنات السعوديه****

قصيده في بنات السعوديه ***

إن بغيت الطيب فيهـا طيـب مـا مثلـه مثيـل
وإن بغيت الحسن ربي صاغها بـأروع جمـال

وإن بغيت الجود فيها الجود من عـرقٍ أصيـل
هذي ( بنت المملكه ) بنـتٍ تضاهـا بالرجـال

ما تعرف اليأس أو قولة ( بعيد ) أو ( مستحيل )
ما تلاقـي عندهـا تعريـف للكلمـه ( محـال )

الصبوره .. القنوعه .. ترضى بالشـي القليـل
لوما أخشى من الملامـه كنـت ألبسهـا عقـال

الرقيقـه .. الحنونـه .. راعيـة بـالٍ طويـل
الكريمه .. العظيمـه .. مـا تقصّـر بالوصـال

بنت أبوها تخدمـه بعيونهـا لـو هـو عليـل
وأمها تفخر بهـا وتدعـي لهـا بولـد الحـلال

أي وربـي للسعوديـه انـا مارضـى بـديـل
يا بعدهم يالرطب ياللـي كسـر سـوق الخـلال

يالجميله .. يالأصيله .. جيت لك مثـل الذليـل
يطلـب القـرب بوصالـك جننـه زود الـدلال

يالحشيمه .. يالرحيمـه .. يـا وفيـه بالخليـل
زان طبعك من جـدودك ثـم عمامـك والخـوال

من يلوم اللي غدى مـن نظـره بعينـك قتيـل
لو يحـاول أو يقـاوم ؟! مالـه بموتـه مجـال

إن حضرتي تشعلين الحفـل بالخصـر النحيـل
تبهريـن الحفـل وانتـي تصبحيـن الإحتفـال

من يشوفك غصب عنـه قلبـه المغـرم يميـل
مو بكيفه وين ما رحتـي معـاك القلـب مـال

إنتي نهرٍ مـا يجـف مـن العطـا يالسلسبيـل
وإنتي في دينا الهوى وطبع الوفـا أروع مثـال

إنتي أختي وإنتي أمـي وكـل إحسـاسٍ جميـل
وإنتي العشق الحقيقـي وزوجتـي وأم العيـال

لو ألـف الكـون كلـه مـا ألاقـي لـك قبيـل
إنتي وحدك .. لا يهمك من حكـى فيكـم وقـال

إنتي مثل النجمه اللـي تضـوي الليـل الكحيـل
وإن يطال سهيل فانتي النجمه اللي ما تطـال

منقوووول

تحياتيـ لكم جميعا,,,

بنوته new عدد الرسائل : 8 تاريخ التسجيل : 16/10/2007

صح لساااااااااانك
مشكوووور قول وفعل

صــــــــــــح لسااااااااااااااااااااااااااااااانك

مــثل ما قالت نور الدنــيا قول وفعل

دلوعه غييير

صح لســـــــــــان الي كاتبهااااا

صح إلسان الي كاتبها

صح لساااااااان قايلها

وسلمت اناملك على النقل الرااااائع

يعطيك العافيه

ياربي علي هالكلمات الخطيره

الله يسعدهاللي حس فينا ومدحنا اشوى والا دايم محطمينا هع

تسلمييييييييييييييييييييييييييييين